Plantun de Prouvènço

Pèr coumpara dos planto d'encò nostre

Alleniella complanata & Potamogeton nodosus

Alleniella complanata

Neckeraceae

Nom en français : Onduline aux rameaux applatis.

Descripcioun :
Aquelo mousso pluroucarpo trachis majamen sus li pège e ramo d'aubre dins li relarg umide e souvènt sourne, ounte fai de placo jaunastro e lusènto. Se recounèis pulèu eisadamen bonodi si ramo e si fueio dins lou meme plan. Aquésti darriero an ges de costo, porton un bout redoun acaba pèr un benc.

Usanço :
Se pòu engana emé lis àutri mousso dóu meme gènre coume Alleniella besseri, pamens aquesto radiero a ges de benc ; Exsertotheca crispa a li fueio oundado e se n'en destrìo eisadamen.

Port : Pluroucarpo
Taio : 5 cm
Fueio : 1,2 mm
Tipe bioulougico :
Cicle bioulougico : Planto renadivo

Gènre : Alleniella
Famiho : Neckeraceae

Ordre : Hypnales

Coulour de la flour :
Petalo : 0,7 à 1,2 cm
Ø (o loungour) flour : Coumplet
Flourido : Printèms

Sòu : Ca
Autour basso e auto : 50 à 2000 m
Aparado : Noun
Mars à mai

Liò : Pège à l'oumbro - Roco à l'oumbro - Ramo à l'oumbro
Estànci : Mesoumediterran à Subaupen
Couroulougi : Oulartico
Ref. sc. : Alleniella complanata (Hedw.) S.Olsson, Enroth & D.Quandt, 2011 (= Neckera complanata (Hedw.) Huebener, 1833 )

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.